Годините се само бројка и оваа 90-годишна баба од Чешка го докажува тоа. Агнешка Кашпаркова рачно слика мотиви на цвеќиња на фасадите во нејзиното село Лука и направи атракција од него.
Агнешка порано се занимавала со земјоделие, а техниката на цртање ја научила од нејзина пријателка. Секоја пролет и лето таа ги црта деликатните цветни мотиви инспирирани од моравската уметност, на фасадите во селото, со впечатлива сина боја.
„Јас сум уметник. Уживам да сликам и сакам да помогнам“, вели таа.
Селото стана вистинска атракција за туристи благодарение на нејзиниот труд, а многумина доаѓаат за да ја видат Агнешка како слика.
