Во услови на општа криза во државата и во општината функционерите на локалната власт во Делчево неодамна ракоплескаа на фонтана во центарот на градот, небаре успеале да вратат некој млад човек од лозјата во Италија и Швајцарија.
На само 70-тина метри од оваа фонтана која според договорот за изведба чини над 3 милиони денари плус дополнителни трошоци за проектирање и документација, се наоѓа уште едно “репрезентативно” место на кое што локалните функционери предводени со градоначалникот Горан Трајковски може да дојдат и да ракоплескаат за неговата репрезентативност, прикажано на фотографијата во прилог.
Денеска е 11 Октомври- Денот на востанието на Македонскиот народ против окупациските фашистички сили во Втората Светска Војна.
Кога локалните функционери ќе се поклонуваат пред споменикот на паднатите борци од НОВ 1941-1944 година добро би било да се запрашаат за што се бореле луѓето пред чии имиња се поклонуваат.
Во врска со енормните купишта ѓубре во Центарот на Делчево во непосредна близина на споменикот на паднатите борци од НОВ и фамозната фонтана платена 3 милиони денари во услови на општа криза, своја реакција во јавноста упатија од Општинскиот Комитет на ВМРО-ДПМНЕ Делчево:
“Поради негрижата на локалната власт на СДСМ вака изгледа ова празнично утро централното градско подрачје на Делчево!!!
За напоменување е и фактот дека само на неколку метри од местата каде денес се направени овие бизарни фотографии кои го грдат Делчево, се наоѓа и Споменикот на Паднатите Борци во Делчево, место каде локалната власт на СДСМ која е одговорна за одржување на хигиената во Делчево има закажано одбележување на денешниот празник 11 Октомври-Ден на востанието на Македонија!!!”
-стои во реакцијата на ОК на ВМРО-ДПМНЕ Делчево.
