Противзаконската узурпација на спортски и училишен објект за политички цели од страна на партијата на власт СДСМ преку нејзините највисоки раководни и функционерски структури која се случи синоќа по втор пат во неколку години во Делчево, треба да биде предмет за постапување на правосудни органи во наредниот период.
Синоќа во организација на СДСМ беше реализирана политичка трибина на која беа упатени пропагандно-политички и манипулативни пораки за присутните во спортската сала во дворот на СОУ “М.М.Брицо” Делчево од страна на градоначалникот на Делчево Горан Трајковски, претседателот на СДСМ ОО Делчево како и претседателот на СДСМ Димитар Ковачевски. На трибината покрај експлицитните лаги и полувистини-манипулации беа истакнати партиски обележја и се напаѓаше политичкиот непријател на СДСМ.
За квалитетот и манипулациите изнесени од трибината на СДСМ е потребен поширок простор и термин за да бидат образложени, но ваквиот обид на СДСМ да мобилизира што е можно повеќе луѓе на своја страна да ги следи нивните политики ќе остане забележан по еден друг момент на манифестација на демократските процеси во Делчево.
Само еден брутален пример за лага е дека проекти кои што ги наброи градоначалникот со цел да се допадне на своите партиски шефови, како реализирани во рамки на последната година, всушност се проекти кои што тој ги реализира во изминатите 5 години а голем дел од нив се наследени и од претходните градоначалници.
За лагите на премиерот дека државата се движи напред не е потребно да биде отварана дополнителна полемика, затоа што секој граѓанин на Делчево и регионот ги чувствува “благодетите” од владеењето на оваа власт.
Пред и по завршување на трибината на СДСМ во Делчево на јавни простори како и на приватни превозни сретства беа расфрлани летоци со ликот на премиерот Димитар Ковачевски во кои што тој се нарекува дезертер.
На ваков начин по втората светска војна кога поранешниот комунистички режим беше во полна сила на својата моќ, преку герилско дејствување беа расфрлани летоци по улиците на градови претежно на источна Македонија од страна на неистомисленици на тој режим.
За таа цел луѓето кои што ги расфрлале овие летоци биле прогонувани, апсени и ливидирани.
Денеска во 2022 година дојдено е времето во Делчево кога на вакви настани како што беше трибината на СДСМ во гимназијата во Делчево повторно на герилски начин да се искажува пркос против актуелните режимски политики.
Градоначалникот на Делчево, премиерот, избегнувајки јавни дебати, криејки се зад параванот на говорницата пред толпа послушници, клиенти и политички профитери шират повторно лаги и манипулации со цел да дојдат до глас повеќе на некои наредни избори, додека Делчево и регионот масовно се иселува во странство во потрага по корка леб, додека се сузбива и репресира се што не оди во прилог на нивните политики, се разграбуваат јавниот буџет и јавни ресурси во интерес на поединци, додека народот се разединува и раскарува преку инсталирани поединци кои работат во таа насока на слабеење на граѓанската вест на граѓаните на Делчево и регионот.
Ваквиот начин на практикување политика не е ништо ново од СДСМ и нивните функционери во Делчево за оние кои што го имаат преживеано владеењето на СДСМ во минатото.
Дојде време кога премиерот на државата кажува дека обезбедлил храна, струја и греење за наредниот период и за тоа околу 500 присутни во салата во Делчево му аплаудираат.
По се изгледа дека токму затоа резултат на ваквото владеење се ваквите симболични герила акции преку кои оние кои не се согласуваат со владеењето на оваа гарнитира ќе им пренесат порака на остатокот од јавноста и власта дека вака повеќе не оди!
