Преку прес конференција општинскиот комитет на ВМРО-ДПМНЕ – Штип реагираше на изборот на лицето Горан Трајков за доделување на највисокото општинско признание, наградата 8-ми ноември.
Тие истакнаа дека целта на прес конференцијата е разобличување на лицето Горан Трајков кое од страна на СДСМ е предложен и изгласан за доделување на признанието 8-ми ноември.
– Штипската јавност изминативе години е сведок на декструктивното и девијантно однесување на Горан Трајков, кое се манифестираше преку протести, уништување на имот од јавен интерес, говор на омраза и поттикнување за нарушување на јавниот ред и мир. Ова лице, платено од СОРОС манипулираше со работниците во текстилната и кожарската индустрија во нашиот град, ги манипулираше граѓаните од нашиот град дека ќе издејствувал намалување на цената на електричната енергија – кое беше без успех, за на крај да стане слеп послушник на политиките на СДСМ.
Во својата реакција тие уште додаваат дека ова лице им е познато на граѓаните на Штип како сопственик на сега веќе затворено приватно музичко училиште кое на државно ниво било оценето со најслаба оценка за своето работење.
Од ВМРО-ДПМНЕ додаваат дека ова се факти кои се познати и јавно прашуваат дали ова лице е најрепрезентативниот лик во градот Штип на кое треба да му се додели високото признание 8-ми ноември? Дали со давањето на признанието 8-ми ноември на Горан Трајков не се девалвира оваа награда на општината?
На крајот од својата рекација додаваат:
Јасно е само едно – во изминатиот преиод Горан Трајков одработувал за СДСМ, а за тоа е награден со највисокото општинско признание. Затоа препорачуваме, своите партиски послушници СДСМ да ги наградува со партиски признанија, а не со општински на сметка и за потсмев на граѓаните.
