На прес конференција денес кандидатот за градоначалник од СДСМ, Горан Трајковски рече дека хигиената во градот Делчево е загрозена заради недостиг од возила, јавното претпријатие ѓубрето во Делчево го исфрла со трактор. -Двете стари возила за собирање ѓубре со кои располага јавното претпријатие не се доволни за тековното работење на јавното претпријатие. Низ градот и куќите има контејнери и канти во кои повтроно се фрла неселктиран отпад на несоодветно место. Во руралните средини има уште поголеми проблеми, недоволно канти за отпадоци и контејнери и нередовно собирање на кантите кое некогаш трае и со недели, рече Трајковски на денешната прес-конференција. Приоритет на кандидатот за градоначалник од СДСМ ќе биде подобрување на комуналната хигиена во Делчево. -Повеќе канти за сите места во општината но и во руралните средини, ќе ги одржуваме сите постоечки партерни површини, паркови и зеленила и партерно и хортикултурно ќе ги уредиме запуштените делови од градот со приоритет околу општествените и јавните институции во градот, рече кандидатот за градоначалник од СДСМ, Горан Трајковски.
Директорот на ЈПКД „Брегалница“ Дарко Гоцевски со одговор на овие видувања на кандидатот за градоначалник од СДСМ. -Точно е дека имаме недостиг од канти за селектирање на отпад, но истите веќе ќе бидат набавени со проектот за регионализација на депониите исто како и возилата кои ќе ни бидат доделени, а ќе бидат наменети за собирање на комунален смет, рече директорот на ЈПКД Брегалница, Дарко Гоцевски, кој додаде дека што се однесува до чистотата на градот Делчево е еден од најчистите градови во истокот.
