Италија доживеа дебакл во квалификациите за Светското првенство, на кое нема да оди прв пат после 60 години. Поради ова се погласни се вестите за промени во италијанската фудбалска федерација.
Прв на удар е претседателот Џорџо Тавекијо, но мала е веројатноста дека ќе замине. Се чека новиот селектор, а медиумитте се надеваат дека тоа може да биде Карло Анчелоти, меѓутоа тоа изгледа нема да биде единствената персонална промена.
Бидејќи Азурирте покажаа озбилен проблем против Шведска во баражот кога ефикасноста е во прашање, Фудбалскиот сојуз на Италија одлучи да ангажира странски напаѓач. Во прашање е млад талентиран Аргентинец Себастијан Дријуси, кој со голем успех игра во Зенит.
Надарениот 21-годишен фудбалер не е дебитирал за А селекцијата на Аргентина, иако има играно во младите селекции, но бидејќи има италијански пасош, отворени се можностите за го задолжи италијанскиот дрес. Ова ќе отвори полемика која трае веќе неколку години, во кој правец се движи италијанскиот фдубал, репрезентацијата за која некогаш играа Инзаги, Виери, Дел Пиеро, Тоти денес мора да зема странец за напаѓач во своите редови.
