Пакистанката Малала Јусафзаи во 2014 година на своите 17 години ја доби Нобеловата награда за мир. Малала e меѓународен симбол на отпорот на талибанските настојувања да им се скратат образованието и другите права на жените. Во 2012 година, талибанците се обиделе да извршат атентат врз ова девојче, бидејќи храбро им се спротивставила ним и на нивните намери да им го забранат образованието на жените. Таа го преживеала куршумот кој го испукал маскиран талибанец за да ја казни затоа што го критикувала талибанскиот режим кој им го забранувал образованието на жените. Таа заздравувала од тешките повреди повеќе од 3 месеци и подлегнала на реконструкција на черепот. Откако се опоравила продолжила со нејзината борба.
Светот бил шокиран од бруталниот обид за убиство, а за нејзината храброст во 2014 година ѝ била доделена Нобелова награда за мир.
„И покрај нејзината младост, Малала покажа дека децата и младите луѓе исто така можат да придонесат за подобрување на општествената ситуација“
– изјавил претседателот на норвешкиот одбор за доделување Нобелови награди.
„Терористите мислеа дека ќе ги променат нашите цели и ќе ги сопрат нашите амбиции, но ништо не се промени во мојот живот освен тоа што умреа слабоста, стравот и безнадежноста. Наместо нив се родија силата, моќта и храброста. Не го мразам талибанецот кој пукаше во мене. Дури и да држам оружје во рака додека тој стои пред мене, не би пукала во него“
– изјавила Малала во нејзиниот говор во Обединетите нации.
Прочитајте ги нејзините совети и факти :
„Мора да веруваме во моќта и силата на нашите зборови. Нашите зборови можат да го променат светот.“
„Едно дете. Еден учител. Една книга и едно моливче можат да го променат светот. Образованието е единственото решение.“
„Не сме свесни колку нешто ни значи, додека не се обидат да ни го одземат.“
„Книгите се драгоцени. Некои книги патуваат со вас во минатите векови, други ве носат во иднината. Некои ве водат до центарот на вашето срце, а други до универзумот.“
„Жена без образование е како велосипед без ланец.“
