Деновиве во продукција на австралиско-македонската продуцентска куќа Loyd Harisson Entertainment Group од Сиднеј, почна снимањето на документарната серија од четириесет епизоди под наслов „Античките Македонци не биле Грци“. Комплетен автор на серијата е Александар Донски, а извршен продуцент е Џим Стефан од Сиднеј. Серијата целосно ќе биде снимена на англиски јазик, а деновиве на Јутуб веќе е поставена првата епизода. По поставувањето на сите епизоди, целата серија ќе биде објавена и на ДВД. Во серијата ќе бидат претставени сведоштва од над педесет антички автори кои јасно тврделе дека античките Македонци не биле никакви „Грци“ како што тврди денешната грчка пропаганда. Авторот на серијата Александар Донски очекува оваа серија да ги разниша темелите на грчката историографија и пропаганда кога е во прашање античка Македонија. Истовремено податоците од оваа серија ќе можат да се искористат и од македонска страна во спорот околу името, со тоа што пред светот ќе бидат предочени несоборливи факти (сведоштва од антички автори) според кои античките Македонци не биле никакви „Грци“, а Македонија во антиката никогаш не била грчка. Впрочем тоа е и суштината на проблемот со Грција, чиј став (неодамна повторен од грчка страна и на септемвриското заседание на Генералното собрание на ООН) е дека Македонија во антиката била „грчка“ и дека денешните Македонци треба да престанат да им ја „крадат“ историјата на Грците. Токму оваа серија до темели ќе го побие таквиот став на Грција, преку сведоштвата од повеќе десетици антички автори, според кои помеѓу овие два народа долго време постоела голема омраза и непријателство. Снимањето на серијата е поддржано од голем број македонски иселеници од повеќе држави во светот, а најмногу од Австралија, а собирањето средства се уште е во тек.
Интересно е дека првата епизода на Јутуб за само три дена е видена над 3.500 пати, а најголем посети има од: Австралија, Македонија, Грција и САД.
Авторот на серијата Александар Донски изјави дека очекува напади од грчка страна од секаков вид, вклучително и напади од грчките платеници во Македонија кои на секаков начин ќе се обидат да ја омаловажат оваа серија, но дека ништо нема да го сопре да ја реализира истата до крај. Набргу линкот од првата епизода ќе биде испратен и на е-маил адресите на поголем дел од неколкуте стотици странски историчари кои своевремено го потпишаа прогрчкото Писмо до Претседателот Обама.
Во продолжение може да ја погледнете првата епизода
