Во четврток 31.05.2018 година со почеток во 19.00 часот во големата сала на општина Охрид ќе се одржи јавна дебата на која ќе се расправа за новиот систем на наплата за зонското паркирање на возила во Охрид.
Како што информираат од општинските служби
Во вториот дел од дебатата ќе има прикажување на дел од микро симулацијата која се однесува на сообраќајот во централното градско подрачје. Преку прикажување на реалната сообраќајна слика ќе се дискутира за изнаоѓање најсоодветни решенија и спроведување мерки со цел да се надминат сообраќајните проблеми и потешкотии.
На настанот се очекува присуство на градоначалникот Јован Стојаноски, претставници од Секторот за комунален развој, патишта и сообраќај при општина Охрид, претставници од ЈП „Билјанини извори“ кое стопанисува со паркинзите и изработувачот на сообраќајната симулација.
Ова информација е особено добредојдена за сите домашни туристи кои планираат да летуваат летово во нашиот туристички бисер.
