Откако СДСМ е на власт, здравството е последно рангирано во здравствениот систем во Европа. Ниту се реновираат болници, ниту се градат нови. Не се набавува нова опрема нит се поправа старата. Медицинскиот персонал никогаш повеќе не бил деградиран и понижен. Наместо да бидат вработени солидни кадри, способни и со висок просек, се врши негативна селекција, при што списокот за вработување медицински сестри кои ќе се вработат е однапред познат.
Пецаков обвини дека за персонал во болницата се ставаат послушни партиски војници.
“ Секојдневно јавноста ја тресе некој нов скандал во здравството. Во ЈЗУ „Општа болница“ од 31 кандидат рангиран според успех, за медицинска сестра не е примен најдобриот кандидат, туку последниот. За Директорот на ЈЗУ „Општа болница“ и СДСМ бодирањето на кандидатите на конкурсот за медицински сестри, според тестот на знаење и успехот од образованието не се пресудни за да се стапи во работен однос. Кои се тие други параметри и квалитети коишто се земаат предвид?”
– праша Д-р Кирил Пецаков, член на Извршен комитет на ВМРО-ДПМНЕ.
