Денеска на прес конференција од Општинскиот комитет на ВМРО-ДПМНЕ од Штип ја обвинија локалната власт предводена од Градоначалникот Благој Бочварски за неостварени ветување во однос на регулирањето на сообраќајот во градот Штип кој се гуши во сообраќањен хаос.
Во продолженмие ја пренесуваме интегрално прес конференцијата на Филип Мајсторски од ВМРО-ДПМНЕ кој што е советник во Совет на Општина Штип:
Почитувани сограѓани,
Штип се гуши во сообраќаен хаос!
Граѓаните доцнат на работа, учениците трчаат кон училиште, а патот на болните до брзата помош е секогаш неизвесен!
Поради новото сообраќано решение, градот стана претесен.
Насоката на движење на два од мостовите во центарот на градот беше променета и тоа создаде проблеми на граѓаните во текот на целиот ден. Колони од возила, во должина од еден километар веќе две недели се секојдневие на централните улици.
Градоначалникот ветуваше дека во првите 100 дена приоритет ќе даде на решавање на сообраќајниот хаос во централното градско подрачје. Ветуваше конзоли, катни гаражи, платформи….Меѓутоа, после две години, не само што нема ништо од кажаното, туку во градот се создаде метеж и нервоза од невидени размери.
Моменталното сообраќајно решение го загуши сообраќајот, ја намали безбедноста на учениците, ја зголеми потрошувачката на гориво, се зголемија на емисиите на штетни гасови од возила, а со тоа се влоши квалитетот на животната средина.
Очигледно, Градоначалникот ниту се грижи за ветувањата, ниту пак за граѓаните на Општина Штип!
