Започна продукцијата на првата стриминг акциона серија од универзумот на Војна на ѕвездите. По приказните за Џанго и Боба Фет, се појавува нов воин во овој фикционален свет кој произлезе од имагинацијата на Џорџ Лукас.
Мандалориецот е сместен во временскиот период после падот на Империјата а пред воздигнувањето на Првиот Ред (First order). Во серијата ќе ги следиме патувањата на осамениот пиштолџија на периферните граници на галаксијата, далеку од властите на Новата Република. Серијата ќе биде пишувана и продуцирана од актерот и продицент Џон Фавреју, со Дејв Филони кој ќе ја режира првата епизода. Дополнителни режисери на некои од епизодите ќе бидат Деора Чоу, Рик Фемујива, Брус Далас Хауард и Таика Ваитити.
Со вака прославена екипа, ни останува да се воздржиме до првата епизода и остатокот од целата планирана сезона, за што веруваме дека серијата “Мандалориецот” ќе отвори нови перспективи во униоверзумот за следбениците на Војна на ѕвездите.
