Членот на Извршниот комитет на ВМРО-ДПМНЕ Драган Ковачки на социјалните мрежи во јавноста упати свој коментар во врска јаловите пропагандни обиди на министерот Оливер Спасовски и министерката Радмила Шеќеринска за да прикажат во јавноста дека нешто работат во контекст на приспособувањето на подготвеноста на Македонската армија кон НАТО стандардите.
“Денеска Министрите за внатрешни и за одбрана го “отворија новото стрелиште” во касарната Илинден. Демек стратешки капацитет, од исклучително значење, врвно достигнување. Па говори, сликање, заеднички проект меѓу 2 министерства…
Дами и господа, видете каде е проблемот. Не се работи за никаков проект и никакво достигнување. На тоа стрелиште јас ја имам започнато кариерата пред 20-тина години (!!!) Тоа е познатото Мало (минијатурно) тенковско стрелиште и тоа го знае секој што служел не само во касарната Илинден, туку и во Маршал Тито (како што порано се викаше касарната, во време на ЈНА). Значи, отворивте постоечко повеќедецениско стрелиште. Додадовте 26 стари гуми, 5 префарбани буриња и 2 кубика песок и го прогласивте за НАТО капацитет (!) Епа ако гумите и бурињата се НАТО капацитет, тешко на НАТО со капацитетите на “нашата земја”.
Па толку ли мислите дека никој ништо не разбира? И додека вие се сликате и терате ПР оти отворате веќе постоечки стрелишта, вакцинацијата од КОВИД за спас на човечки животи во Европа и секаде во соседството е во полн ек. Но, очигледно секој си има свои приоритети, нели? Срамота е ова што и’ го правите на сопствената држава. Не сте достојни на функциите што ги вршите.
-нпиша Драган Ковачки на фејсбук.
