Во најисточниот дел на Република Македонија, по горниот тек на реката Брегалница, помеѓу планините Голак и Влаина е распространета Делчевската општина. Поголемиот дел од населените места се наоѓаат во Пијанечката Котлина, а помал број по разграноците на Осоговската Планина.
Фотографија бр. 2 (снимена 2011 година)
Панорамски поглед од планината Голак кон Делчево и дел од делчевската котлина во срцето на Пијанец. Од спротивната страна се гледа планината Влаина, позади која се наоѓа Бугарија
Високата планинска котлина Пијанец, се наоѓа на надморска височина од 576-650 m- се простира во должина на околу 15 km а во широчина 4-5 km.
Фотографија бр. 3 (снимена 2007 година)
Панорамски поглед на населбите “Ново Делчево” и “Милково брдо” со дел од регионалниот пат А3 меѓу Кочани- Македонска Каменица- Делчево- Република Бугарија.
На север и североисток, од коритото на Брегалница, котлината се издига со благи ридови што претставуваат врска помеѓу Осоговските и Малешевските планини и вододелницата на реките Струма и Вардар. Од југ, котлината е заградена со ридот Бејас Тепе, од југозапад со планината Голак. На север во должина од 30 km постепено се издигаат голите ридчести падини на југоисточните делови на планината Осогово. Овој дел го носи името Осоговија. Преку Долините на реките Брегалница и Желевица, Пијанец на југ е поврзан со повисоката Малешевска Котлина, а на запад по долината на Брегалница со многу пониското Кочанско Поле. На исток Преку планинскиот пресек Арнаутски Гроб, Пијанеце поврзана со Благоевградската Котлина во Пиринска Македонија.
Фотографија бр. 4 (снимана 2011 година)
Пејсаж од Туристичкиот локалитет Голак каде е предвидена изградба на модерна ски патека
На југ се граничи со со општините Пехчево и Берово, на запад со општината Виница, на северо – запад со општината Македонска Каменица, а на исток и северо исток со Република Бугарија. Опкружена е со Планините Голак (на запад), Влаина (на Исток) Осоговските планини (на Севе р) и Малешевските Планини (на Југ).
Фотографија бр. 5 (компјутерски приказ)
Сообраќајно поврзување на Делчево со Скопје преку регионалниот пат А3 со негови варијанти
Фотографија бр. 6 (компјутерски приказ)
Сообраќајно поврзување меѓу Делчево и Пехчево
Фотографија бр. 7 (компјутерски приказ)
Сообраќајно поврзување меѓу Делчево и Берово
Општината Делчево до 1996 година зафаќаше површина од 589 km² или 2,3 % од територијата на државата. Со новата територијална поделба на Република Македонија, од општина Делчево е издвоена општината Македонска Каменица, така што таа денес зафаќа територија од 423 km² . Покрај општинскиот центар Делчево, во општината има и 21 селска населба. По големина на територија и број на население, општината се вбројува во помалите општина во Република Македонија.
Територијата на Пијанец и денешната територија на општина Делчево во ралични историски периоди имала значајна геостратешка положба. Тука поминувале значајни трговски патишта во минатото за што и ден денеска сведочат остатоци од овие стари патишта.
Фотографија бр. 8 (снимена 2010 година)
Остатоци од средновековна крајпатна стражарска кула која се наоѓа покрај стариот пат Делчево-с. Тработивиште-с.Разловци во непосредна близина на селото Чифлик во Делчево.
Продолжува….
Почнуваме со Делчево….
