Поскапувањето на дизелот што го најави Владата на Зоран Заев и министерот за финансии Драган Тевдовски, особено ќе го почувствуваат земјоделците низ целата држава
Ова е пресметката која покажува дека покачувањето на цената на дизелот ќе значи дополнителни, нови 600 денари за земјоделците при обработката на оризот…
Обработката на 1 хектар ОРИЗ станува поскапа за 600 денари.
Груба пресметка за 1хектар ориз:
Орање – 40 литри*3.5 ден = 140 ден
Танирање – 30 литри*3.5ден =105 денари
Дрлање – 30*3.5 =105
Валирање – 20*3.5=70
Жетва – 40*3.5=140
Трансфер за биење – 6*3.5=20
Трансфер за откуп – 6*3.5=20
ВКУПНО=600 денари.
Власта удри по грбот на сите граѓани- таксистите и камионџиите меѓу најоштетените
Поскапувањето на дизелот по својот џеб силно ќе го почувствуваат граѓаните. Владата на СДСМ за да го наполни Буџетот од 1 јануари планира да ја зголеми акцизата на нафтата за три денари. Со зголемување на акцизата и ДДВ-то цената на дизелот ќе биде повисока за 3,5 денари.
Според последната статистика од 20016-та година во Македонија се возат 226.513 автомобили на бензин, 203.643 возила се на дизел, 11.620 на плин и електрични 63 возила.
Речиси една половина од сите возила во Македонија се на дизел гориво. Сите корисници ќе треба да одвојуваат поголема сума на пари затоа што поради владината одлука, цената ќе биде доста зголемена.
Автомобили на дизел најчесто користат оние кои повеќе возат односно подолго време во текот на денот го користат автомобилот. Тоа е така затоа што дизелот е гориво за оние кои повеќе возат, па се одлучиле на дизел за да заштедат.
Секое полнење на гориво во колата, по оваа одлука на Влада, граѓаните ќе треба да издвојат по 200 денари повеќе од досега.
Огромни трошоци за камиони и такси возила
Камионите кои ги користат поединци и компании се на дизел и истите се возат по патиштата секој ден. Камионот троши околу 40 литри дизел на 100 километри. Новата акциза ќе значи дека камионите ќе трошат 150 денари повеќе на 100 километри. Ако камионот вози 500 километри дневно, низ Република Македонија, ќе троши 750 денари повеќе, што на месечно ниво би претставувало поголем трошок од речиси 20.000 денари.
Половина од таксистите во Македонија возат на плин, а половина на дизел. Оваа владина одлука за лицата кои заработуваат со возење е огромен удар. Тие гориво ставаат секој ден, а сега поголемите трошоци за дизел ќе значат помала заработка за нив.
Штета ќе трпат и јавните претпријатија, компаниите и институциите. Ќе има нагло зголемување на трошоците за ЈСП, МВР, колите на Итна помош, АРМ.
За приватниот сектор ова ќе бидат огромни дополнителни трошоци.
Извор:Курир
