И покрај забраните за вработување во јавниот сектор од страна на владата сепак според состојбата на терен продолжуваат вработувањата во администрацијата.
Од општинскиот комитет на ВМРО-ДПМНЕ од Виница ја информираат јавноста дека и покрај ветувањата за кратење на администрацијата сепак присутни се вработувања во јавниот сектор.
Во продолжение го пренесуваме соопштението упатено до јавност од страна на опозицијата во Виница:
“Од една страна ветуваат кратење на администрацијата за 30%, забрануваат вработување во јавниот сектор, најавуваат кратење плати и слично.
Од друга страна речиси секојдневно гледаме нови вработувања во јавната администрација.
Минатата недела двајца нови наставници во ОУ Гоце Делчев како итни и неодложни вработувања во услови кога не работат училиштата, оваа недела во МЗШВ(Министерство за земјоделие) Виница имаме нововработен информатичар, ова вработување не е пополнување на испразнето место поради пензионирање или напуштање од работа туку поради ‘зголемен обем’ на работа.”
