Од срцето на Штип Потпретседателот на ВМРО-ДПМНЕ Александар Николоски во своето синоќешно гостување на емисијата “Што мисли народот” на ТВ Стар директно се заложи за расветлување на немилите настани во Македонското собрание од 27 април во 2017 година во една подемократска атмосфера која што сега ја нема во државата, како и за лоцирање на вистинските виновници за самиот настан со кој што СДСМ дојде на власт иако тогаш ги изгуби изборите. Исто така Александар Николоски зборувајки за демократските процеси за промена на генерации на политичари во ВМРО-ДПМНЕ наспроти бетонираноста на едни исти ликови во врвот на СДСМ во изминатите 30-тина години, ги прозва неколкумината актуелни властодршци во СДСМ за приватизирање на моќта во оваа партија за сопствени лични профитерски интереси.
Николоски во својот разговор со водителот на емисијата го посочи семејството Бочварски кое што од памтивек е носител на моќни политички функции во СДСМ како и сопственикот на една приватна фирма во Штип кои што го имаат главниот збор во креирањето на политиките во СДСМ.
“ВМРО-ДПМНЕ е најдемократска партија во Македонија. Ова е трета генерација на политичари во ВМРО-ДПМНЕ. Три промени се случија-сериозни во функционирањето на партијата во овие триесетина години, нешто што на СДСМ не му се случило никогаш. На пример Радмила Шеќеринска е во политика откако сите знаеме за себе. Во Штип овде фамилијата Бочварски и Мите Брилијант владеат 30 години, а ако го погледнете ВМРО-ДПМНЕ ќе видите дека има промени најмалку четири или пет пати,”
-соопшти Николоски, за кого ваквите промени кои што ги манифестира ВМРО-ДПМНЕ се добри и во интерес на подобрувањето на демократијата и воопшто општествениот стандард на граѓаните, наспроти зачауреноста на СДСМ со едни исти луѓе во врвот на партијата.
Во продолжение погледнeте ја во целост емисијата “Што мисли народот” на ТВ СТАР со Потпретседателот на ВМРО-ДПМНЕ Александар Николоски за повеќе интересни актуелни детали од политичките состојби како во државата така и во нашиот брегалнички регион:
