Над сто деца и возрасни, професионалци и почетници, љубители на нови предизвици и авантури, овој викенд кампуваа на Трсинско езеро и тренираа извидништво. Локалниот извиднички одред предводен од средношколецот Слободанчо Ѓоргиев ќе биде домаќин, а одредите од Штип и Кочани беа поддршка во спроведување на зацртаните активности. Стрелање, ориентација и снаоѓање во простор, рафтинг, беа само дел од задачите низ кои поминаа извидниците. Домаќините имаа помошници од Франција и Америка како волонтери на Мировниот Корпус во Македонија.
“Целта ни е да дадеме квалитетни знаења на нашите учесници, да ги отргнеме од мобилните уреди и воопшто од се што може да се нарече техника, и постепено да ги враќаме во природата. Целта ни е да ја подигнеме мотивацијата на едно повисоко ниво со зголемување на бројот на извидници“,
-изјави Слободанчо Ѓоргиев од Виница.
Во организацијата на тридневниот камп, свој придонес даде и компанијата Макпрогрес, Ротари клубот, но и од Риболовното друштво “Крап“.
