Развојот на една општина не е можен без поддршката на сите нејзини граѓани за општото добро на општината.
Киро Стојковски е еден од граѓаните со потекло од Виница кој што за потребите на ЈП “Солидарност” донираше неопходна опрема која вработените на претпријатието ќе ја користат во рамки на нивната работа.
Од ЈП “Солиданост” упатија јавна благодарност за ваквиот гест на нивниот сограѓанин кој што живее и работи во Швајцарија.
“ЈП „Солидарност“ Виница изминатиот викенд доби Донација од нашиот сограѓанин Киро Стојковски кој живее и работи во градот Волен, Швајцарија. Донацијата се состои во две машинки на струја и опрема за одзатнување на канализациона мрежа, како и 20 шипки за нашата постоечка машина која ја користевме досега. Донацијата ја прими на лице место ВД Директорот на ЈП – Игор Спасовски и истата ја транспортираше до Виница. Сакаме да изразиме голема благодарност до донаторот, г-дин Киро Стојковски и да ги охрабриме сите наши сограѓани кои се на работа во странство доколку се во можност да донираат било каков вид на опрема која е од делокругот на работа на ЈП „Солидарност“ Виница”
-информираа надлежните во ЈП “Солидарност” Виница
