Претседателот на ВМРО-ДПМНЕ, Христијан Мицкоски денеска во селото Сушица во општина Ново Село беше пречекан од жителите со нивните маки кои ги живеат секојдневно. Соопштија дека го нема никаде блесокот за кој Зоран Заев зборува по телевизиите.
Бев во Сушица, Ново Село. Се видовме со жителите кои збореа за нивната мака. Тука нема ништо од она што Заев така гордо го изјавува дека како земја сме блескале. Народот овде се бори со тешкото секојдневие. Овде блеска само сиромаштијата во која ја потона Македонија.
Земјоделците се чувствуваат измамено, нема ништо од ветувањата на оваа власт. А ветуваа зголемена поддршка, пласман кој ќе е сигурен, зелена нафта, бенефициран стаж и што уште ли не. И за се излажаа. Затоа треба да се казнат а таа казна ќе се испорача на наредните избори кои не се само избор за претседател туку и избор од кој зависи во кој правец ќе се движи нашата земја.
Македонија ќе победи, ќе победи правдата и вербата во принципи.
-соопшти Христијан Мицкоски од ова преубаво село во Источна Македонија.
