Времето во земјава ќе биде претежно облачно, по котлините во поголем дел од денот магливо и постудено. Утринската температура ќе се движи од -1 до 5 степени, а дневната температура од 6 до 14 степени.
Од денес следува период на променливо облачно време со повремени врнежи од дожд со умерен, а на места со обилен карактер. Ќе дува умерен до засилен ветер од јужен правец кој ќе услови расчистување на маглата.
За време на викендот ќе преовладува облачно време со врнежи од дожд и со засилен јужен ветер.
Во сабота врнежите ќе бидат претежно во западните делови, а во недела насекаде и ќе бидат пообилни, локално во форма на невреме.
Од понеделник ќе дува северозападен ветер и температурите ќе бидат во опаѓање.


