Од СДСМ Штип денеска го критикуваа Градоначалникот Иван Јорданов за неколку калливи улици кои што се во тек на реконструкција од страна на локалните власти. Додека локалните надлежни институции работат на реконструкција на застарената водоводна и канализациона мрежа кои што се протегаат по должина на овие предметни улици, од СДСМ Штип немајки идеи за надминување на проблемите кои што се во ингеренции на владата предводена од СДСМ, го критикуваат градоначалникот Јорданов за раскопаните улици.
Ваквата апсурдна состојба на критикување на проекти кои се во тек за градоначалникот Јорданов е неразбирлива затоа што доаѓа од страна на претставници на партија која имаше можност до пред само една година да ги решава проблемите на граѓаните.
Граѓаните кои што со децении наназад не добиле квалиттна водоводна и канализациона мрежа според Јорданов имаат право на свои забелешки, но СДСМ не може да критикуваат проекти кои што се во тек на реализација во првата година од мандатот на градоначалникот. Особено затоа што СДСМ како партија асфалтираше мал број на улици во последната 4 година од мандатот на своите функционери во пресрет на избори и тоа без да води сметка за подземната дотраена инфраструктура.
