Политичкиот аналитичар Арсим Зеколи на фејсбук објави свој коментар во врска со имплементацијата на Преспанскиот договор како и парадоксалноста околу гаранциите за истиот:
Наместо да ние бараме гаранции дека Грција ќе се придржува кон Договорот, се најдовме во ситуација да Грција (поточно, нивниот Претседател) бара писмени гаранции од нас дека ние ќе се придржуваме кон Договорот. Да биде поголем апсурдот, тоа барање од Павлопулос доаѓа по оставката на Козијас и самоименувањето на Ципрас како нов МНР. Што повлекува прашање дали Павлопулос бара гаранции од нас и нашата Влада или пак од неговата Влада како предуслов и/или изговор за било какво започнување со исполнување на нивниот дел од обврските. Неколку дена претходно дознавме дека сепак имало анекси (џентлменски, претпоставувам) на Договорот помеѓу СДСМ и Атина, а притоа никој не одговара на прашањата дали има и други анекси на Договорот. Ништо од ова не би било повод за тревога. Но молкот на службеното и медиумското Скопје упатува на заклучок дека некаде сепак е вклучен алармот дека за некого сетики ќе почнат да бијат камбаните.
И на крај, Шкариќ не уверува дека доколку Атина не испорача, се ќе се врати на старо а ние ќе бидеме морални победници. А Грците ќе се засрамат. И посрамотат пред цел свет. Сите со презир ќе ги гледаат и со прст покажуваат.
А за нас ќе им биде жал.
Шкариќ не уверува дека доколку Атина не испорача, се ќе се врати на старо а ние ќе бидеме морални победници. А Грците ќе се засрамат. И посрамотат пред цел свет. Сите со презир ќе ги гледаат и со прст покажуваат.https://t.co/31k989unv8
— Arsim Zekolli (@ArsZek) November 5, 2018
