Уште само неколку дена до големиот Етно Плоштад Фестивал во БЕРОВО.
Интензивно се работи на последните подготовки на еден од најдобрите и најпосетените културни настани во источниот регион.
Фестивалот ќе започне на 23 август (петок), со свечено отварање во 20:00 часот, на сцената во центарот во Берово, каде сите посетители ќе имаат можност да проследат една исклучително богата програма, со настап на голем број препознатливи музички имиња, со кои ќе бидат задоволени различните музички вкусови.
Главен настан на фестивалот е настапот на балканската звезда Џенан Лончаревиќ, а ќе настапат и други звучни имиња како Влатко Стефановски, Горан Алачки, Етно Малеш, Синтезис, 2 Бона, Влатко Лозановски, Бени и Нон Стоп, Ефто Пупиновски, Д Штекица, „ДЈ Сене”, Ескејп Бенд, Кико и Столе, Ангел и Иван, КУД „Димитар Беровски” и многу други.
Генерален спонзор на фестивалот е компанијата ЗЕГИН.
Во рамките на ЕТНО Плоштад фестивалот, можете за ги посетите и тезгите со здрава храна,сувенири, ракотворби, еколошки производи, традиционални занаети и слично.
Несомнено е дека Етно плоштад фестивалот и Берово се следната културна дестинација во Македонија, наредната недела, од 23-ти до 27-ми август.
Бидете дел од убавините на Малешевијата и забавувајте се.
