Според сцените достапни во јавноста и сведоштвата на присутните Македонци кои што денеска беа присутни на Мечкин Камен во Крушево, одбележувањето на годишнината од Илинденското востание не се памети кога последен пат било со ваква чемерна и морничава атмосфера.
Строгите протоколарни правила и репресија на власта со целата нејзина жестина овозможи сосема мал број посетители во споредба со минатите години да пријдат на славниот Мечкин Камен за да се поклонат пред олтарот на револуцијата за Македонската слобода и самостојност.
Дополнително од страна на репресивната власт беше оневозможено движењето на Илинденската коњаница која што од различни краеви на државата секоја година традиционално дефилира покрај Мечкин Камен за помен на загинатите комити од четата на Питу Гули и останатите востаници.
При појавувањето на владините претставници на Мечкин камен, истите беа исвиркани и дочекани со скандирања “Никогаш северна, само Македонија”.
Ова е втора година по ред чествувањето на Илинден да се реализира со незаконски и насила наметнатото име “северна” на државата кое што беше променето противуставно од страна на 80 пратеници во Македонското собрание.
