Во Извештајот од истражувањето на “Глобалната иницијатива против транснационалниот организиран криминал” од мај 2021 година каде се анализира протокот на луѓе дрога и пари на територијата на југоисточна Европа и западен Балкан, Делчево се најде на главната рута на трговијата со хероин. На рутата идентифукувана од страна на деталниот и обемен извештај од регионот се наоѓаат и градовите Кочани и Штип.
Во извештајот се наведува дека околу 60-65 тони на херион годишно поминуваат низ југоисточна Европа а голем дел од овие количини дури и се складираат во регионот пред да бидат распределени на помали пратки кои се праќаат северно од Србија кон Унгарија или источно преку Македонија и Косово во Албанија. Од тука хероинот заминува за Италија, и Хрватска од каде се дистрибуира во Западна Европа.
Според анализата вклучена во овој извештај, хероинот влегува во регионот на западен Балкан од Турција и Бугарија каде цената на килограм хероин достигнува 10000-13000 евра.
Главната влезна точка во регионот на хероинот е граничниот премин во Делчево на границата кон Бугарија, се наведува во истражувањето на “Глобалната иницијатива против транснационалниот организиран криминал”



