“Додека пожарите не’ изненадија во сред лето и беснеат во Македонија, да кажеме збор-два за воздухопловните капацитети, кои како држава ги имаме, а во моментов не се во функција.
Имено, сведоци сме дека деновиве се користат најчесто 2 (два) хеликоптери и тоа само преку ден и временски ограничено.
За Претседателот Пендаровски којшто тврди дека хеликоптерите немаат способност за гасење пожари ноќе, му препорачувам да го провери овој линк:
Армијата и полицијата поседуваа 10 хеликоптери од кои 8 со капацитет за носење вода од 3000 литри и два помали од околу 1000 литри (како на пример хеликоптерите што ни дојдоа на помош од соседна Србија). Ова е вкупниот ресурс со кој се располагаше и ако сме одговорни кон сопствените граѓани, тогаш тие воздухопловни капацитети треба постојано да бидат подготвени.
Армиската флота има шест хеликоптери. Од нив не се сите оперативни, но дури 5 се со НАПРЕДНИ системи за оперирање ноќе.
Се работи за систем кој на очилата за ноќно летање “NVG” ги обезбедува сите потребни податоци за безбедно извршување дури и на покомплексни мисии од гаснењето пожар. За жал, оваа способност во моментов ја НЕМАМЕ!
Вкупно за оваа конкретна опрема државата има инвестирано околу 7 милиони евра (14 хеликоптери, борбени и транспортни – вкупно во армијата и полицијата).
Денес, покрај петте армиски хеликоптери, полицијата располага со два хеликоптера опремени со наведените системи.
Треба да се сложиме дека доколку 7 хеликоптери беа уредно сервисирани и одржувани, денес најмалку 5 хеликоптери ќе гасеа пожари континуирано, значи дење и ноќе.
На тоа ако се додадат и три авиони од ДЗС , кои се наменски набавени за гасење на пожари а кои исто така не се сервисирани, добиваме цела противпожарна ескадрила.
Доколку таа ескадрила функционираше можеби немаше да молиме за помош и што е многу позначајно немаше да ги трпиме штетите и губиме лугето.
За оние кои не ги знаат перформансите на хеликоптерите, доволно е да се каже дека еден хеликоптер може да направи и до 100 исфрлувања на вода, во едно деноноќие, што е околу 300 тони вода вкупно.
Хеликоптерите исто така се многу значајни и од аспект на континуирана логистичка подршка на силите кои се ангажирани, како и евакуирање и спасување на луѓе доколку се укаже потреба.
Воздухопловите за да функционираат и се искористат оптимално треба да има и доволен број и доволно добро обучени пилоти.
Се’ повеќе се зборува дека недостигаат пилоти во трите државни структури, кои располагаат со воздухоплови. Државата (МО) изгради Центар за обука на пилоти токму за овие институции, но истиот наместо да работи со полна пареа и да произведува пилоти, денес неговото функционирање е доведено во прашање од страна на Министерот за одбрана. Значи, државата вложила 50 милиони евра во тој центар, а Шекеринска ги фрла во вода…
Состојбата е слична и со беспилотните летала во МВР. Тие се капацитет кој може да биде искористен за многу различни операции во подршка на безбедносните структури, но во моментот кога се соочуваме со пожари и зборуваме за превентивно делување (рано откривање на пожари) тие се исто така одличен потенцијал.
Деновиве прочитав соопштение од страна на МВР дека биле исфрлени затоа што биле застарена технологија.
Соопштението е смешно. Секој може на интернет да ги погледне перформансите на Хермес 450 и да види за какво летало станува збор.
Луѓето кои оперираа со тие летала (пилоти и помошен персонал за чија обука се платени милионски суми), со доаѓањето на Спасовски за министер за внатрешни, се распоредени на места писари или портири.
Уништувањето на сериозни материјално-технички ресурси и деградирањето на обученоста на воздухопловниот персонал не носи само политичка одговорност, туку
во сериозни држави за ова се одговара и кривично.
#НеспособностаУбива”
-фејсбук статус на Драган Ковачки-член на ИК на ВМРО-ДПМНЕ.
