Во синоќешното гостување во емисијата “Заспиј ако можеш” во која свое гостување имаше Полковникот Драган Ковачки меѓу другите теми кои беа разговарани, стана збор и за состојбите во МВР од времето кога Ковачки како врвен професионалец беше предложен од страна на ВМРО-ДПМНЕ за технички министер за внатрешни работи па се до опструкциите кои што функционерите на СДСМ ги поставуваат на актуелниот министер Чулев и неговите успеси како министер.
Од страна на водителот Момировски најпрво Ковачки беше запрашан:
-Како се случи еден човек со ваква про-западна кариера да биде отфрлен од СДСМ при вашата номинација од страна на ВМРО-ДПМНЕ за министер за внатрешни работи? Да имаше некои објаснувања дека е противуставно, но претходно знаеме дека имаше одредени преседани. Чувството ми е дека тие ја знаеле вашата биографија и знаеле точно кој човек ќе дојде на таа позиција и дека во прашање е нешто друго, а не некакво кршење на Уставот.
Драган Ковачки даде една поширока елаборација во својот одговор:
“Јас не би навлегувал сега во таа проблематика да бидам психолог на СДСМ. За мене тоа прашање е веќе завршено. Излегоа во јавноста во месеците декември и јануари многу коментари, многу прашина се крена, но тоа прашање за мене е завршено.
Најважно од се е дека ВМРО-ДПМНЕ имаше соодветен кадар кој што можеше да го понуди, тоа е г-динот Наќе Чулев. Во тоа име на Наќе Чулев како професионалец мислам дека ВМРО-ДПМНЕ доби големи поени.
Зошто ова го кажувам?
Доволно е само да ги споредите активностите на претходните и сегашниот министер. Зборуваме за министер кој што е во технички мандат, на кого што му е доверен мандат да ги организира и спроведе изборите. Притоа тој покажува резултати достојни за почит. Само во изминатиот период во првите пет месеци од годината од неговото назначување на територија на град Скопје, за пет пати е зголемена фаќањето на амфетамини, марихуана, хероин и кокаин. Пет пати повеќе за истиот период од минатата година. За 30% е намален бројот на кривични дела во споредба со минатата година кога во истиот период министер е Оливер Спасовски. За 50% е зголемен бројот на откриени кривични дела во споредба со цела 2019 година. Тоа се бројки достојни за почит. Ако сакате и во делот на кокаинот, во 2018 година ние имавме еден извештај на Европската комисија кога 585 грама кокаин беа фатени а во февруари месец имавме фаќање на килограм и 200 грама. Тоа се бројки кои што кажуваат за трудот и чесноста на министерот Наќе Чулев.
Јас сакам да зборувам со бројки, сакам да зборувам со аргументи. Една работа е да зборувате филозофски дека е некој добар или лош, друга работа е кога тоа ќе го покажат бројките. И мислам дека Наќе Чулев тоа го демонстрира на најубав начин.
Ако сакате и споредбено:
Наќе Чулев има опозиција и внатре но има и надвор опозиција. Јас не можам да се согласам, да одобрам, да прифатам такво однесување од потчинетите на Наќе Чулев. Конкретно: Не може да се случи Министерот Чулев да праќа една телеграма со одредени насоки кон вработените за да после половина час или после еден ден телеграма со слична содржина меѓутоа со различни насоки да испрати неговиот дополнителен заменик министер. Тоа за мене е незамисливо. Тоа е едно министерство и треба да функционира како едно тело затоа што струката е пред се, политиката е друга работа, во овие услови ние мора да бидеме обединети.
Ако сакате уште една споредба: Колку штета е нанесено на министерството за внатрешни работи од моментот на доаѓањето на СДСМ до 2020 година, погледнете го само бројот на поднесените пријави од вработените. Имаме преку осум илјади тужбени побарувања пред судовите, со завршени постапки. Тоа се околу осум милиони евра кои што МВР им ги должи на своите вработени и тие пари ќе бидат исплатени од Буџетот на Република Македонија, односно од самите граѓани.”
Притоа Ковачки повика на одговорност за Оливер Спасовски како претходен министер за внатрешни работи за ваквото оштетување на јавниот буџет на владата:
Тој што седи на столчето, тој треба да биде одговорен. Не можеме цело време да се криеме позади институцијата. Институцијата секако ќе плати, меѓутоа тој што потпишува тој мора да биде одговорен.
Погледнете ја целата емисија со гостување на Драган Ковачки каде говори за повеќе други актуелни работи во продолжение:
