Претседателот на ВМРО-ДПМНЕ, Христијан Мицкоски денешниот ден го помина во спортско-рекреативно дружење со младите од од неколку општини од регионот на југоисточна Македонија, земајќи учество во планинарскиот марш по патеката на последната голгота на петте струмички студенти кои беа ликвидирани од страна на репресивниот државен апарат во 1951 година, заради нивните идеолошки побуди за слободна и независна Македонија.
Пецев, Белев, Јарамов, Топчев и Костуранов се петте млади животи кои што од тоа време сонуваа за Македонија која што ќе биде исправена, а не понижена и омаловажена.
Ќе се движиме по патеката каде што нивните животи, нивната судбина оди во неповрат, но со една иста идеја, а тоа било како Македонија еден ден да биде современа, модерна, горда и достоинствена држава.
Македонија е нашиот завет, нашата субина и нашата иднина. Од сите нас зависи, а Македонија мора да победи!
-напиша на фејсбук Христијан Мицкоски, споделувајќи изјава од лице место на самиот настан.
