Кандидатот за градоначалник на Кочани, Љупчо Папазов од ВМРО-ДПМНЕ во јавноста презентираше еден од позначајните проекти предвидени во неговата програма со која ја бара довербата на своите сограѓани на претстојните локални избори.
Изградба на нова градска спортска сала е еден од најнеопходните проекти во општината Кочани која Љупчо Папазов планира да го реализира во наредните 4 години.
Оваа спортска сала за која од тимот на Папазов имаат изработено и убава видео визуелизација ќе служи за развој ан сите спортови во општина Кочани но и во поширокиот регион.
“Уште еден во низата приоритетни проекти од нашата предизборна програмска понуда претставува изградбата на градска спортска сала.
Недостатокот на градска спортска сала е една од причините за досегашната незавидна состојба со врвните колективни и поединечни спортови во нашата општина, за кои се потребни соодветни просторни можности.
Со изградбата на овој објект ќе се создадат услови за враќање на некогашниот престиж на кошарката, борењето, ракометот и разни поединечни спортови, коишто во не така далечни времиња беа гордост за нашиот град, а со тоа ќе ги поттикнеме младите да се стремат кон нови спортски успеси.
#СоздадиНоваИднина
#Промени
#Проекти #Победи”
-напиша Љупчо Папазов- кандидат за градоначалник на Кочани во прилог на видео презентацијата на планираната спортска сала.
