На својот фејсбук профил Професорката Билјана Ванковска објави интересен статос со кој ги повика сите нејзини пријатели и следбеници на социјалната мрежа да престанат да кукаат и плачат и да почнат да спроведуваат активности за бојкотирање на закажаниот референдум за промена на Уставот и Името на Република Македонија.
Од овој момент, кога пред очите на јавноста, распишаа референдум спротивно на Уставот, објавувам дека мојот ФБ профил не е Ѕид на плачот! Сите што сакаат да кукаат, плачат, жалат дека ќе наместеле резултат и слично – тоа нека си го прават дома! Овде гласи едно мото: БОЈКОТИРАМ! И кураж! Нема да им помине! Суверен е НАРОДОТ, ние сме оние од кои извира власта, затоа ТИЕ што се избрани од нас немаат право да не’ консултираат на незадолжителен референдум. Нашата волја е политичка волја и обврзува правно!
-напиша професорката Ванковска.
