Во интервју за неделникот “Република” адвокатот на Бојан Јовановски (Боки 13) зборува за индикативни детали во врска со судскиот процес за случајот Рекет, како и за случајот Меѓународен сојуз во кој што неговиот клиент се товари за рекетарска шема и измама.
Целиот процес е поврзан со нејасни и задкулисни игри и сплетки во кои што вклучени се обвинителството, судот како и повеќе лица од претходната власт од СДСМ.
Дуковски во интервјуто зборува за игнорирањето на материјалот кој што е содржан во телефонот на Бојан Јовановски од страна на обвинителството, а дополнително и лажење од страна на обвинителката дека телефонот бил соодветно вештачен, што се аргументи за сомнеж дека инволвираните во судскиот процес креираат свое сценарио во судницата.
Поднесовме три барања за вештачењето на телефонот на Бојан Јовановски но бевме одбиени со образложение дека тие го извештачиле за потребите на обвинителниот акт и дека во тоа сме имале увид. Вистината е дека тој фамозен телефон никогаш не е вештачен, а особено не о вешто лице, вели во интервју за „Република“ , адвокатот Сашо Дукоски.
Тој објаснува дека и истражителот кој се самонарекува форензичар признал дека е без лиценца и оти не извршил вештачење туку анализирал само три слики.
Во телефонот на Боки има многу работи кои би утврдиле поинаква фактичка состојба, фотографии и разговори. Мислам дека попрво Обвинителството ќе се сруши отколку да дозволи телефонот да се вештачи.
-соопшти Дукоски.
Пандорината кутија што Боки ја најавуваше, ќе биде отворена доколку политичарите се појават како сведоци во суд во рамки на судските процеси кои што ги покрена самиот Бојан Јовановски.
Погледнете го во целост интервјуто на Сашо Дукоски во кое што тој дава свој личен коментар во однос на судските процеси кои што се водат прoтив неговиот клиент:
