Го сакам многу нашиот главен град
Секојдневно напредува и се гради
Не е она Скопје кога јас бев млад
Со улици теснии, разурнати фасади.
Денес Скопје има широки булевари
Велелепни зданија и висококатници
Новото време нов дух и лик му дари.
И плоштад со прекрасни споменици.
Сепак нешто на Скопје и му фали
Многу ситници ми делуваат грубо
Ноќе секаков отпад во него се пали
Скопје е лишено од радост и љубов..
Загаден воздух и недостиг од вода
Насекаде има отпадоци по улици
Каква ли е таа нова скопска мода
Што има премногу кучиња скитници.
И просјаци многу пред МАНУ и Влада
На Бит Пазар врие од диви трговци
Обичниот човек збунет, пати, страда
Пратениците ги третираат како овци.
Тука се крои на државата судбината
Тука се одлучува и решава се и сешто
Од тука зависи на народот иднината
Од тука секој очекува поарно нешто.
Во него живееат над половина милион
Има прекрасни театри и филхармонија
За многу млади од внатрешноста е сон
Скопје е главниот град на Македонија.
И покрај сите недостатоци јас го сакам
Во него моите внуки се родени и растат
Само слога драги скопјани и мои браќа
Скопје заслужува убавини да го красат.
Пишува: Васил МАНЕВСКИ
