1.
Бурјани и лопен ги обраснале вадите,
Коприви и трње ги прекриле ливадите.
2.
Нивите отревени, зараснати, неорани,
Кориите, ах кориите, исечени, изгорени.
3.
Веќе не се сее жито, ни тутун, ни афион.
Ова е вистина грозна, не е празен сон.
4.
Нема кој да ги обере јаболките, сливите
На покојните – им завидуваат живите.
5.
Опустеа селата, се празнат градовите,
Ретки се насмевките се множат јадовите.
6.
Кој ли не проколна со тешки клетви
Та немаме сеидби, ни берби, ни жетви?!
Васил МАНЕВСКИ
