Фудбалската федерација на Македонија денеска направи прекрасен гест со кој им додели билети за натпреварите на Македонската фудбалска репрезентација на Македонија на Европското првенство на кое ќе настапат и нашите фудбалски херои.
“Претседателот на Фудбалската федерација на Македонија, Муамед Сејдини денеска им ги врачи билетите за Европското првенство на вработените од клиниката за Инфективни болести и фебрилни состојби кои организирано ќе ги следат натпреварите на Македонија на UEFA EURO 2020.
Нашата „Ќуќа на фудбалот“ веќе им даде предност на здравствените работници кои аплицираа за купување на билети за ЕП преку ФФМ, а дополнително, на медицинскиот персонал преку Министерството за здравство ќе им овозможи влезници за натпреварите на Македонија на ЕУРО 2020.
Муамед Сејдини – претседател на ФФМ:
„Изминатите речиси две години, едноставно, живеевме во време и моменти кои не потсетуваат дека здравјето на луѓето е најважно.
„Јасно ми е дека ова е премалку, но чуствувам потреба на медицинскиот персонал на скромен начин да им се оддолжиме за пожртвуваноста итрудот што го вложуваат за да нѐ заштитат сите нас.
„Да им ја искажеме нашата почит за нивната работа и да покажеме дека сме општество што цени вистински вредности”#НапредМакедонија
Габриела Темелковска – главна сестра на Клиниката за Инфективни болести и фебрилни состојби:
„Голем е гестот на ФФМ. Почит од сите нас. Благодарни сме на федерацијата, како и за поддршката која фудбалерите и спортистите ја искажуваа за здравствените работници во изминатиот период.“
„Дел од вработените во нашата клиника организирано ќе патуваат во Букурешт и со цело срце ќе ја бодрат македонската репрезентација.
Ова е начин и ние да возвратиме на поддршката која нас ни ја даваа фудбалерите во искчлучително тешкиот период за сите.
-стои во соопштението на ФФМ упатено до јавноста преку социјалните мрежи.
