За граѓаните сигурно не. Фирмата работи за пари а парите се од Буџетот на општина Штип т.е. пари на сите граѓани на Штип. Е сега тоа што една иста работа поради “непредвидени” околности градежните машини по неколку пати ја работат (дали бесплатно или пак од парите на граѓаните треба надлежните да одговорат) е во функција на замајување на граѓаните дека еве оваа власт работи….
На оваа тема во текот на вчерашниот ден своја прес конференција имаа од Општинскиот комитет на ВМРО-ДПМНЕ Штип кои што го вперија прстот кон своите политички ривали од СДСМ Штип кои што своето неработење во изминатите 4 години го компензираат на ваков начин пред избори.
“Раскопаните улици на месец пред изборите е очигледна компензација и популизам за неработењето на СДСМ во изминативе 4 години!
Не само жителите на улицата Панче Караѓозов, туку веќе и жителите на улица Личка се жртви на неспособноста на локалните власти.
Имено, иако медиумски се експонираа дека инстантно, за 7 денови улицата Личка е со целосно променет водовод и набрзо ќе биде асфалтирана, сепак во реалноста не е така.
Поради тоа што новата водоводна линија и приклучоците до куќите на жителите се многу плитко поставени, а има и површински црева, кои не се затворени, при асфалтирање на улицата истите пукаат! Односно, и после еден месец, властите ја немаат завршено улицата, па граѓаните се принудени да газат во кал, а од бутната шахта, неколку денови и низ истек од канализација.
Лошата изведба резултира со еден месец раскопана улица, нешто кое веќе го гледаме во населбата Автокоманда.
Очигледно, овие власти не се способни да направат ниту една едниствена реконструкција! “
-соопштиИгор Ефтимов од ОК на ВМРО-ДПМНЕ Штип.
