„Охридско лето“ заврши со успешното фестивалско издание во богатата фестивалска историја.
Оваа година се претставија 500 уметници од 23 земји од светот,но и гости од земјава и странство кои допатуваа за да ја следат фестивалската програма. Изминатите 40 фестивалски денови беа презентирани 47 содржини на неколку локации низ градот Охрид.
Со театарската претстава Одисеј од Горан Стефановски во режија на Александар Поповски се спушти завесата на 59 тото издание на манифестацијата Охридско Лето.
Од Охридско лето изјавија дека следната година фестивалот слави голем јубилеј 60 години од неговото постоење, за кое најавија врвни уметници и беспрекорна организација.
