Во вторник 12.11.2019 година со почерток во 19 часот во Драмски театар во Скопјеќе се одржи промоцијата на новата книга на Сашо Тасевски именувана „Жена вредна злато“.
Од промотерската екипа на настанот Ikona Bookstores соопштуваат:
Овој прекрасен и интригантен трилер ќе го држи вашето внимание до последната страница. Со нетрпеливост ќе чекате да се случи расплетот и да ја дознаете вистината на главниот женски лик во приказната – Кира.
После промоцијата книгата е достапна во продажба за читателите низ сите книжарници на „Икона“.
Главна карактеристика на книгата е тоа што е компонирана од ефектни изјави на ликовите. Во отсуството на авторскиот говор во претставувањето на ликовите, книгата остава простор ликовите сами да се презентираат низ своите изјави.
Од таа причина книгата може да се препорача и како сценарио за театарска претстава. Јасните изјави што се врзуваат за имињата на ликовите им даваат дефиниран и фиксен статус на ликовите. Истовремено, книгата е фасцинантна поради филозофичноста и инспиративноста што е присутна во разговорите помеѓу ликовите.
Сите кои сакаат да читаат сценарија или да се запознаат со техника на раѓањето на ликовите и низ вербалното да создаваат визуелна имагинација на ликовите, ќе уживаат во ова прекрасно четиво.
