Вкупно 22 планинари, членови на планинарскиот спортски клуб ,,Голак” од Делево, и 9 од огранокот ПСК ,,Сосна” од Берово, успешно ја завршија планинарската клубска акција во Бугарија на која го искачија Црн Врв – највисоката точка на планината Витоша во Република Бугарија.
Кружната патека која планинарите ја искачија е со вкупна должина од 11 километри.
Почетна точка на планинарите била ХИЖА (Планинарски дом) АЛЕКО 1770 м.н.в. – Бојанска река 2100 м.н.в. – ЦРН ВРВ 2290 м.н.в. – Врв Мал Резен 2182 м.н.в. – Стената 1950 м.н.в. – Хижа Алеко 1770 м.н.в.
Планинарите го посетиле и ДРАГАЛЕВСКИ МАНАСТИР – СВ.БОГОРОДИЦА ВИТОШКА. Претседателот на ПСК ,,Голак”, Љупчо Чучуковски, информира дека до крајот на годината се планираат уште неколку вакви акции. Планинарите се задоволни посебно од временските услови кои биле идеални за пешачење.
