Во угостителски објект во Тетово, вчера околу полноќ е застрелано едно лице. Од Основното јавно обвинителство информираат дека убиството се случило откако на маса во објектот седеле пет лица кои биле под дејство на алкохол, а во еден момент сторителот на убиството извадил пиштол, го репетирал и пукал во едно од лицата и го усмртил.
“ По стореното кривично дело групата се дала во бегство, но подоцна двајца биле лишени од слобода од страна на полицијата, а другите двајца меѓу кои и сторителот сами се пријавиле во полиција. Обвинителот издал наредба за прибирање траги од лице место и нивно вештачење, а издадена е и наредба за вршење обдукција на починатото лице.”
– изјавуваат од МВР.
