Се чини како вчера да беше….
Како почнуваше со музиката, со твојот бенд Made in Macedonia. Беше заслепувачка светлина уште тогаш. Твојата харизма, твојот неизмерен талент, беа нешто што многумина нема да можат уште долго да ги разберат.
Но не и оние кои те познаваа. Тие знаат дека ти беше ѕвезда. Не само како уметник, туку и како човек. Ферчина кој беше вистински другар.
Брзо се вивна кон височините. Славата беше твоето проклетство, твојот товар.
Среќен сум што при крајот на твојата овоземна животна приказна, успеав да препознам дека длабоко во тебе ти беше и остана она динамично момче кое го познавав од пред 20-тина години.
Почивај во мир ѕвездо.
Во сабота 29.06.2019 година на градските гробишта во Ѓорче Петров со почеток во 10.00 часот најблиските ќе одбележат едногодишен помен и ќе му оддадат почит на прерано починатиот Влатко Илиевски.
Во продолжение пренесувам неколку видео клипови од неговиот последен настап во Делчево пред неговите делчевски фанови.
