Во својата последна колумна насловена Граѓаните раскарани, мафијата обединета, а другарчињата ќе терале кампања!? новинарот Бранко Геровски по којзнае кој пат прави напор за релативизирање на катастрофалните состојби во државата и во власта предводена од аболицираниот Зоран Заев.
Во својот текст во самиот воведен дел
Во Македонија не постојат две или повеќе мафии, туку постои една единствена мафија, која владее со државата. Народот е разединет и раскаран како никогаш досега, но затоа мафијашките групи се цврсто обединети и солидно координирани. А за да не се види ова, сега ќе ви ставаат розови очила, за да гледате само успеси и живот што блика на сите страни.
Геровски прави детерминистички обид за модулирање на вниманието на читателот дека државата Македонија постојано е владеена од мафија. На тој начин Героски индиректно порачува дека била која власт претходна сегашна и идна е мафијашка. Тоа е порака до Македонскиот народ за “што и да прави, мафијата ќе владее” т.е. за директна пасивизација на Македонскиот народ во однос на општествените проблеми кои му се надвиснати над врат.
Понатаму вововедот од својот текст
Претпоставувам дека нема потреба да ве убедувам во она што и самите добро го знаете – голем дел од граѓаните на Македонија се длабоко разочарани од нерешителноста и од отсуството на волја на владата на Зоран Заев да спроведе коренити системски реформи во правосудството и да се справи со криминалот и корупцијата во која се вмешани луѓе и од претходната, но и од сегашната владејачка гарнитура.
Геровски ја бетонира својата намера преку хипнотизирачка употреба на самиот збор “пасивизација” кој што е клучен збор во неговата колумна. Притоа Геровски користи манипулативен метод за генерализација
Јасно е како бел ден дека не постои спремност ниту да се создаде одржлива правна рамка за ефикасно гонење на криминалот и на високата корупција, ниту да се поведе одлучна акција за спроведување на правдата во рамките на постоечките закони и правни процедури.
После ваквата теза што понатаму? А Геровски? Да се спакуваме ние обичните граѓани и да идеме да миеме чинии во Германија? Или може да идеме да носиме самарите со лозје во Италија и Швајцарија?
Не е така г-дине Геро!
Наредно во колумната е разводенување на релевантните факти преку акцентирање на други факти кои одат во прилог на одвлекување на вниманието од клучниот проблем во државата: Власта која пред лицето на целата јавност по устав и закон е одговорна за целокупните состојби во институциите во Република Македонија.
Истата таа власт која што на криминален, насилен и бандитски начин беше устоличена во Македонскиот парламент без фактичка листа на пратеници кои гласале за нејзино формирање…
Поединци кои се клучни во истата таа власт кои лажеа дека нема да има промена на името, уставот, идентитетот, кои лажеа за се и сешто само да се доберат до бенефициите на власта…
Истата таа власт што дозволува брутална партизација на македонската администрација, што дозволува уназадување на македонскиот правосуден систем, што го руинира Македонското здравство, деградира Македонското образование, а за културата, животната средина, урбанизмот, земјоделието воопшто и да не зборуваме….
Понатаму бардот на Македонското новинарство, популарниот Геро зборува за аферата “Рекет” која што тој сосема случајно (според негов исказ кај Јанко Илковски во емисијата “Јади Бурек”) ја открил а која резултираше со противзаконски допис од затвор со кој СЈО беше расформирано….
По избивањето на аферата „Рекет“, стана совршено јасно зошто оваа власт го наметна тој дискурс – затоа што важни личности од политичкиот естаблишмент биле вмешани во криминалот и во високата корупција, а владејачката партија упорно се обидува да ги скрие и политички да ги заштити. Тоа внесува силен немир кај сите граѓани и посебно револт токму кај пуѓето што ја поддржаа револуционерната промена на режимот на Никола Груевски водејќи се од паролата „нема правда, нема мир“. Дополнително, разочарувањето на народот фрли сенка и врз позитивните достигнувања на оваа власт, кои не се за потценување и кои ги спомнував во неколку наврати.
-пишува Геро продолжувајќи со својата упорна теза за “разочарувањето на народот”, што е директна интенција за пасивизација на постраданиот народ од нанесените зла и неправди во изминатиот период.
Дополнително во продолжение на колумната Геро себеси се нуди како жртва на неговото “херојство” во очите на читателот, што е бедна реминисценција на империјалистичкиот пост-модерен механизам за остварување на сопствен интерес кога предаторот се претставува како жртва во очи на критичката општествена јавност.
И во целиот негов текст Геро порачува како власта не успеала да се справи со криминалците, владејачката партија упорно се обидувала да ги скрие и политички да ги заштити криминалците во сопствените редови, без притоа да обрати внимание на еден клучен факт:
Власт во државата е ЗОРАН ЗАЕВ, претседател на СДСМ е Зоран Заев! Според султанскиот модел на владеење во партиите кои својата власт ја рефлектираат преку Влада со Премиер, врвната одговорност во државата е во еден човек: Зоран Заев.
Тоа е почитуван г-дине Геро изворот на сите неприлики и сите зла во државата!
И потоа пак по којзнае кој пат во неговиот текст Геро ја повикува разочараноста на јавноста преку општи квалификации искажани преку некакви невидливи анкети за незаинтересираноста на граѓаните за да се спротивстават на злото кое им се случува…
Како и да е, разочарувањата на јавноста се толку големи што, според моите информации, дури и аналитичари блиски до власта проценуваат дека во овој момент потенцијалниот одѕив на избирачите на евентуални итни парламентарни избори би бил околу 30 отсто. Со таков одѕив, ние не можеме да добиеме легитимно законодавно тело.Тоа зборува за страшна недоверба на граѓаните во власта, во институциите на системот, во партиите и во политичарите воопшто.
-пишува искусниот Геро.
Текстот на Бранко Геровски (именуван погоре) не е случаен, како ништо друго во неговата новинарска пракса…
Искуството, информираноста (читај достапност на дозирани информации) и култивираното и протежирано медиумско влијание, во вакви прилики на лимитирана слобода (читај ропство) можеби палат кај непромислените, луѓето со кратка меморија и ограничени перцептивни можности…
Но апсолутната вистината нема да потклекне на молитвите на ваквите “часни сестри” кои упорно го просветлуваат народот со нивната вистина во 28-те години ропска независност. И упорно Македонскиот народ страда и пропаѓа како резултат на ваквата просветленост…
Наметнатата власт во институциите, невладините организации, политичките партии е повеќе од очигледна а вистинскиот слободољубив Макединец тоа никогаш нема да го прифати!
Автор: Кирчо Анастасов
