Од Центарот за јавно здравје на Кочани кој ги покрива и општините Виница, Македонска Каменица, Делчево, Пехчево и Берово информираат дека интересот за вакцинација против сезонскиот грип е голем.
Директорот на Центарот за јавно здравје – Кочани, Маградела Манасиева истакна дека за Кочани биле обезбедени 900, за општините Делчево и Македонска Каменица 500, Виница 450, Берово 350 и за Пехчево 200 вакцини.
– За само три дена се потрошени над 1.300 вакцини што е половина од набавените, истакнува Манасиева.
Во Кочанскиот центар за јавно здравје се потрошени 500 вакцини, во Делчево 325, во Виница 340, во Берово 100 и во Пехчево 40 вакцини.
Вакцинацијата е единствена превентивна заштитна мерка против грип и се прима доброволно. Вакцинирањето против сезонски грип чини 400 денари, како и минатите години
