Денеска на прес конференција од партиското седиште портпаролот на ВМРО-ДПМНЕ, Димче Арсовски по којзнае кој пат обелодени нови случаи на непотистичко вработување на блиски роднини на функционери на СДСМ. Овојпат станува збор за непотистички вработувања во нашиот своевиден центар на Брегалничкиот регион Штип.
Ваквите вработувања следуваат по паниката и хаосот кој владее во владеачката партија на Зоран Заев и се поизвесната реалност со која ќе се соочат на изборите на 12 Април. Вработувањето на роднини на функционерите на СДСМ нема да донесе добро за останатите граѓани во државата кои во континуитет се жалат на слабите услуги кои ги добиваат од партиски-вработените административни работници во институциите.
Дополнително нееднаквоста на сите граѓани пред институциите и нееднаквоста при можноста за вработување на сите граѓани во јавната администрација е дискриминација од највисок ред.
Ваквата дискриминација за оние кои што се сеќаваат беше присутна во 90-тите години од минатиот век кога СДСМ ја имаше апсолутната власт во државата а граѓаните кои не беа поддржувачи на СДСМ беа дискриминирани и прогонувани од власта,
Во продолжение во целост ја пренесуваме прес конференцијата на Димче Арсовски:
“Непотизмот е појава во СДСМ која што уште повеќе се шири како се наближуваат изборите. Свесни дека ќе ги загубат изборите, функционерите на СДСМ дали на централно, дали на локално ниво си ги згрижуваат роднините во државната и јавната администрација.
Денеска трет ден по ред, ќе објавиме нови случаеви во моментално најголемото дувло на непотизам, Штип.
Денес ќе претставиме 3 нови случаеви на непотизам каде што главни носачи на епидемијата се директори на училиштата во Штип.
Очигледно е во Штип има единствено простор за вработувања и унапредувања највеќе за директорите на училиштата односно за нивните роднини.
Прв случај, директорот на средното училиште „Димитар Мирасчиев“, Дејан Доневски си ја вработил сестра му во Дневниот центар за деца со посебни потреби. Она што веќе и е познато на јавноста во Штип и на големо се зборува, а ќе се обелодени за неколку денови е тоа што истиот тој директор на средното училиште Дејан Доневски за неколку дена од сега ќе биде унапреден во просветен инспектор за цела Источна Македонија. Очигледно наменски ќе го добие тоа унапредување за да може да уценува просветни работници пред изборите.
Втор случај, директорот на средното училиште „Коле Нехтенин“, Дејан Павлов ја вработил својата сопруга во основно училиште „Тошо Арсов“. Во истото училиште „Тошо Арсов“ беше вработена и сопругата на директорот на штипскиот затвор, Мики Тодоров.
Трет случај, директорот на основното училиште „Ванчо Прке“, господинот Методи Папаров си ја вработил својата сопруга во ЈП Исар.
Четврт случај, директорот на основното училиште „Гоце Делчев“ во Штип, Трајче Димов си ја вработил ќерката во средното музичко училиште, а синот си го поставил за командир на Противпожарната единица во Штип. А, сопругата на синот, односно неговата снаа ја вработил во Хигиенскиот завод во Штип. Очигледно овој директор му е сериозна конкуренција на претседателот на Совет, Јане Миланов по бројот на вработување. Очигледно и кај него останале уште домашните миленичиња невработени.
Непотизмот во Штип нема крај.
Заев ветуваше јавно дека сите што ја искористиле својата положба и своето влијание за да вработат или унапредат свој близок во државната или јавната администрација ќе се погрижи да се повлечат од своите места.
Додека младите ни се иселуваат, додека луѓе не можат да најдат работа, СДСМ продолжува да вработува цели фамилии на нивните функционери.
Уште еднаш апелираме до антикорупциската комисија, да се разгледаат и овие последни случаеви на непотизам и да се постапи согласно процедурите.
Одговорност за се мора да има и ќе има. И тоа доколку не се случи сега кога е СДСМ на власт, ќе се случи веднаш по доаѓањето на ВМРО-ДПМНЕ после изборите на 12-ти април.
