Поранешниот советник на Зоран Заев и поранешниот министер за Финансии Тевдовски, Бранимир Јовановиќ на социјалните мрежи ја искоментира новата мерка на Владата на Оливер Спасовски за укунување на ДДВ за граѓаните за време на викенд.
“Викенд без ДДВ“ е многу лоша мерка, по повеќе основи.
1. Таа ќе направи ужасни гужви по продавниците, што може многу да го рашири вирусот.
2. Мерката ќе доведе и до значаен пад на буџетските приходи, зашто луѓето купувањето на многу производи ќе го одложат за тој викенд кога нема да се плаќа данок.
3. Од мерката многу повеќе корист ќе имаат побогатите, тие ќе ја искористат за да си купат поскапи производи без данок.
4. Мерката ќе доведе и до легализација на даночната евазија, односно ќе им овозможи на фирмите прометот кој не го пријавиле претходните месеци да си го пријават тој викенд без да платат данок.
Сме ја дискутирале меркава уште јас кога бев во Министерството, и тогаш успеавме да ги разубедиме останатите од Влада да отстапат од неа. Се надевам ќе отстапат и сега, бидејќи сега штетата би била уште поголема.”
-напиша Бранимир Јовановиќ на фејсбук.
