Полковник Драган Ковачки денеска со свој коментар на социјалните мрежи ги разобличи нервозата и помалку рационалниот пристап на актуелната власт.
Стравот кај владеачката СДСМ од паѓање на нивната власт според Ковачки е главен причинитњл за се поголемата очигледна нервоза на власта.
Исто така Ковачки ја критикува власта и нивните настојувања по секоја цена да одат на брзи избори во услови на пандемија и непредвидлив развој на негативните последици од истата.
Во продолжение ја пренесуваме реакцијата на Драган Ковачки во врска со овие теми:
“Зошто некој си дозволува да си поигрува со здравјето на граѓаните а притоа не е санкциониран за тоа? Што е тоа што се крие во позадина и ги обединува политичарите од власта во нервозните, но ни малку рационални настапи?
Одговорот е јасен: Стравот.
Стравот дека доаѓа неизбежниот крај. Ударот од реалноста е суров и е сосема разбирлив и оправдан начинот на реакција од страна на власта. Но, сосема неоправдано и неразбирливо за мене е паничното инсистирање на политичка пресметка во услови во кои секојдневно имаме ново заразени и починати лица од Ковид 19.
Стравот е најголем мотиватор, но не заборавајте дека имате одговорност кон државата и кон народот. Одговорни политичари треба да се подготвени да го надминат стравот. Немојте внатрешно-партиските судири и неуспесите од управувањето со државата да се обидувате да ги покриете со брзи избори со слаба излезност и незамисливи последици по здравјето на граѓаните.
Еден разумен совет: Престанете со панични испади и напади кон опозицијата, гледате дека сте осамени на политичката сцена. Македонија мора да стане сериозна држава за почит во која политичарите разговараат помеѓу себе и носат одлуки што се важни за граѓаните, а не лично за себе.”
