Недовербата на граѓаните кон институциите во државата управувани од кадрите на СДСМ во последните три години е во нагорен тренд.
Оттука и зголеменото ниво на т.н. сива економија, преку интензивна даночна евазија и откриени незаконски активности на економски криминал е во нагорна линија. Според истражување направено од страна на граѓанска организација и информации добиени од финансиската полиција, забележани се фрапантни податоци на зголемување на финансискиот криминал во Македонија во последните три години откако СДСМ ја има власта во државата.
Од 509.907.569 денари штета преку 94 кривични дела во 2015 година до 9.315.337.006 денари штeта врз буџетот преку 122 kривични дела во 2019 година. Пресекот кој е прикажан на графиконот во прилог на овој текст ги опфаќа последните две години од владеењето на ВМРО-ДПМНЕ и трите години власт на СДСМ. Од графиконот јасно се гледа дека во 2016 година е регистрирана најниска стапка на финансиски криминал, а веќе следната година штетата на буџетот драстично се зголемува повеќе од двојно и нагорниот тренд го одржува и во наредните две години.
Коалицијата „Сите за правично судење“ објави податоци од Управата за финансиска полиција, кои укажуваат на тоа дека причинетата материјална штета врз буџетот на Република Македонија поврзана со финанискиот криминал била највисока во 2019 година. Стапката на финансиски kpиминал минатата година била 18 пати повисока отколку пред четири години.
Според истите податоци, во периодот од 2015 до 2019 година најголем пораст кај кривичните дела од областа на финансиски криминал се забележува кај кривичното дело Даночно затајување.
