Меѓународниот фолклорен фестивал “Голачки фолклорни средби” кој што е единствен од тој карактер на Балканот и пошироко што традиционално се одржува на планината Голак на надморска висина од 1536 мНв, за првпат пат нема да се одржи во својата богата традиција на постоење.
Како што информираат од општинската администрација при ЕЛС Делчево фестивалот нема да се одржи поради актуелната пандемија со Ковит-19 вирусот.
“Поради актуелната пандемија, годинава нема да се одржи традиционалниот меѓународен фолклорен фестивал Голачки фолклорни средби.
Почитувајќи ги препораките од Комисијата за заразни болести и од Владата на РСМ, организаторите на фестивалот Општина Делчево и НУЦК “Никола Јонков Вапцаров” одлучија годинава да не се одржи фестивалот кој вообичаено собираше илјадници гости на падинните на Голак на врвот Чавка, покрај манастирот посветен на Свети Пантелејмон,”
-информираат од ЕЛС Делчево.

Идејата за востановување на оваа манифестација се појавила во 1993 година како резултат на спонтаното дружење на соборџиите на големиот православен христијански празник посветен на Св. Пантелејмон на врвот на планината Голак.
За првпат официјално манифестацијата “Голачки фолклорни средби” се одржа во 1995 година.
Со одлука на тогашниот Градоначалник на Општина Делчево (Претседател на Собрание во тоа време) е востановен Иницијативен одбор за организација на овој фестивал кој за првпат кој се одржа на 8-ми Август на врвот на планината Голак во непосредна близина на црквата Св, Пантелејмон.
На “Голачки фолклорни средби” во изминатите 25 години продефилираа голем број на фолклорни групи, културно-уметнички друштва, вокални групи и инструментални состави. На оваа манифестација. Исто така продефилираа огромен број на традиционални носии по потекло од ориентална Турција до алпска Словенија. Оваа манифестација беше вистински празник за душата на секој добронамерен посетител. Делчево со овој фестивал беше вброен на мапата на меѓународно-значајни настани и претставуваше еруптивно подрачје за негување и унапредување на традицијата.

Злоупотребата на пандемијата како изговор за неработење на општинската администрација и останатите надлежни институции во Делчево е повеќе од очигледен факт поради реалноста во која што низ градот во повеќе јавни објекти се организираат вечерни настани согласно протоколите на Комисијата за здравство.
Дополнително во прилог на оваа теза говори фактот што низ државата моментално се организираат повеќе културни настани од страна на останати институции под посебни мерки на заштита од Ковит-19.
Еден од тие настани преку кои е овозможено културниот живот во државата да продолжи да живее е и Охридско културно лето кое се одржува од 4 до 30 Август тековно.

Со одлуката за неодржување на фестивалот од страна на Градоначалникот на Општина Делчево губи Македонската, Балканската но и светската традиција и културно наследство. Разбирливи се причините за заштита од Ковит-19, но самиот фестивал од надлежните институции и поединци можело да се организира на малку поинаков начин, со содржини кои гарантираат целосна заштита од зараза со нови иновативни методи, за да остане Македонската традиција да живее и понатаму во вакви кризни времиња.
Во продолжение погледнете повеќе видео материјали од досегашни изданија на овој реномиран и значаен фолклорен фестивал:
Пишува: Кирчо Анастасов


