На денешен ден 06.08.2016 година (пред 4 години) се случи една од најголемите катастрофи која го погоди Скопје.
После големата поплава на Скопје во 1962 година, скопскиот земјотрес во 1963 година ова катастрофа беше најлошото нешто што се има случено на главниот град на државата од природен карактер.
Специфичните и досега невидени атмосферски услови над северниот дел од скопската котлина допринесоа за формирање на воздушен вртлог во кој се измешаа ладни и топли воздушни маси кои резултираа со огромно количество на дожд на патините на јушниот дел од Скопска Црна Гора. Поплавниот бран на вода и кал од над 1 метро висина помина молскавично низ целиот предел упатен кон најниските делови на нестручно изградената скопска обиколница.
Прекинатите природни водотеци и непостоењето на каналски систем за одведување на атмосферските води допринесе за оваа катастрофа уште повеќе. Штетите од тоа кобно попладне беа катастрофални по имотите на целото резиденцијално население. Најпогодени од катастрофата беа селата Стајковци, Смиљковци, Арачиново, Црешево…
Бројот на човечки жртви од црниот биланс беше 22 загинати луѓе. Голем број беа повредениГолем број на домашни животни угина. Материјалната штета беше огромна.Во тие моменти солидарноста на Македонските граѓани ја обедини цела држава со цел да се помогне на погодениот регион од катастрофата.Од Делчево организиравме повеќе доброволни екипи и во смени бевме присутни да помогнеме во расчистувањето на последиците од штетата.Засекогаш ќе ми останат скршените погледи на луѓето чии што дворови ги чистевме од наносите на кал измешани со секаков друг материјал.
На погоденииот регион му се закануваше и зараза. Луѓето немаа чиста вода за пиење.
Во соработка со Црвениот крст и повеќе приватни компании од Делчево со поддршка на тогашниот градоначалник кој што го обезбеди превозот, организирав и хуманитарен конвој со намирници кој што беше однесен директно на погодените семејства а поголем дел во просториите на Црвениот крст во Скопје.
Овој немил настан треба да послужи за во иднина како и на кој начин нашата држава треба да ги превенира ваквите несакани последици од временските неприлики, а истовремено за градење на силен и добро организиран систем за заштита и спасување во вакви несакани ситуации.
Има уште многу што да се сработи на тој план.
Никогаш да не се повтори!!!
Пишува: Кирчо Анастасов
