Македонскиот иселеник во Швајцарија по потекло од Прилеп Дејан Аџиоски во соработка со повеќе организации на Македонците и поединци во Швајцарија обезбедија 10 неинванзивни респиратори за болниците во повеќе градови во Македонија. Оваа прва пратка од 10 респиратори е дел од поголема донација на 40 вакви машини за поддршка на дишење за пациенти која беше обезбедена од страна на Македосната дијаспора во Швајцарија, пристигна пред велигденските празници во просториите на Црвен Крст во Делчево од каде ќе бидат распределени покрај за здравниот дом “Гоце Делчев” Делчево и во здравствените институции во Охрид, Велес, Струмица, Кавадарци, Кичево, Битола и Јасеново.
Во изјава за порталот Инфо компас Дејан Аџиоски соопшти дека пратката со респораторите од Швајцарија била пратена уште на први април оваа година, но поради проблеми со транспортот истата стигнала дури сега.
Донацијата на респираторите се реализира во соработка со Општинската Организација на Црвен Крст во Делчево при што откако ќе биде реализирана обука за користење на апаратите истите ќе бидат распределени на нивните дестинации.
Неинванзивните апарати за поддршка при дишење може да се користат за позитивни пациенти на Ковид-19 како и пациенти со остaнати васкуларни проблеми.
Во реализацијата на оваа донација се вклучија Добротворното друштво Ешалан- Македонија, Македонскиот национален Совет, Клубот Пирок, Клубот Пијанец Здружението на Македонските друштва како и повеќе поединци-приоадници на Македонската дијаспора во Швајцарија.
